Кошничка
Апостол е богослужбена книга што ги содржи Делата на светите апостоли и апостолските посланија, кои се читаат на Светата литургија и на други богослужби во текот на црковната година. Преку овие читања, верните се поучуваат во верата, животот и учењето на Христовите ученици – апостоли.
Книгата ја обработува историјата, црковно-правниот статус и развојот на Охридската архиепископија (патријаршија) во периодот на османлиското владеење. Особено внимание е посветено на нејзината организација, архиепископите и односите со Османлиската држава.
Новиот завет на македонски јазик – четирите Евангелија, Делата апостолски, посланијата и Откровението – во издание погодно за секојдневно читање и за подарок. Текстот е преземен од ревидираното издание на Светото писмо од 2006 година.
Мек повез од квалитетна еко-кожа, 665 страници.
Старец Пајсиј Светогорец е современ православен светител, познат по својата длабока мудрост, смирение и несебична љубов кон луѓето. Неговите поуки се едноставни и насочени кон покајанието, смирението и евангелскиот живот, втемелен врз самопрегорната љубов. Преку лични совети и духовни примери, тој останува жив духовен патеводител за верниците и денес.
Лествица на свети Јован Лествичник е едно од најчитаните аскетски дела во Православната црква. Духовниот живот е прикажан како искачување по скала: секое скалило е борба со една страст и стекнување на една добродетел, со смирението и послушанието како водичи.
Опитен водич за внатрешното очистување и за љубовната заедница со Бога.
Псалтирот е книгата која се користи во богослуженијата преку целата година – збирка псалми, поетски молитви напишани од различни автори и во различно време.
Изданието содржи:
– превод од старогрчки јазик, според Септуагинта;
– обемен вовед со богати податоци за псалмите;
– поделба на псалмите на катизми;
– распоред за нивно читање на богослуженијата преку целата година.
Оваа книга содржи длабоко богословско и литургиско толкување на Светата Литургија како средиште на животот на Црквата. Авторот го разгледува историскиот развој, симболиката и духовната смисла на евхаристиското богослужение, откривајќи го неговото суштинско значење за православната вера. Делото претставува значаен придонес кон православната литургиска мисла и е драгоцено четиво за сите што сакаат подлабоко да ја разберат тајната на Евхаристијата.
