Кошничка
Станува збор за зборник – избор од словата, беседите, проповедите и другите искажувања и пораки на блаженоупокоениот архиепископ охридски и македонски, Ангелариј. Севкупноста на неговите обраќања се темели на богољубието, братољубието и родољубието. Речит и слоевит, архиепископот Ангелариј остави длабока трага во современата историја на возобновената Охридска архиепископија во лицето на Македонската православна црква.
Ова дело – чиј приредувач (превод од старословенски, анализа и коментар) е проф. д-р Александар Атанасовски – претставува значаен византиски правен зборник, во кој азбучно и систематски се изложени црковните и државните закони и правила. Книгата има огромно значење за развојот на црковното и граѓанското право во православниот свет и претставува вреден извор за проучување на византиската правна и духовна традиција.
Оваа книга претставува сеопфатен зборник посветен на животот, култот и духовно-уметничкото наследство на светиот Јован Владимир. Покрај хагиографските и химнографските текстови, во неа се обработени и неговите иконографски претстави во балканската уметност од XVII до XX век, со што се осветлува неговото значење во православната духовна и уметничка традиција.
Во ова класично богословско дело, свети Никола Кавасила ја открива длабоката смисла на Божествената литургија како тајна на живата заедница меѓу Христа и Црквата.
