Свето Писмо – Библија
Оваа Библија ги содржи и девтероканонските книги (вкупно 77 книги) и е наменета за христијаните од православната вероисповед.
1.550,00 ден
Молитвеник
Главната структура на Молитвеникот ја сочинуваат: голем вовед – „Молитвата како израз на нашата љубов кон Бога и кон луѓето“, утрински молитви, вечерни молитви, Акатист кон Пресвета Богородица и други вообичаени молитви.
250,00 ден
Метаисторискиот идентитет на македонците како призван и заветен народ Божји
Оваа книга го истражува духовниот и историски пат на македонскиот народ низ призмата на христијанската онтологија и божествената промисла. Во неа се обработуваат следниве теолошки и философски теми: онтолошката слобода (народот како субјект во божествениот план, надвор од чисто временските и политичките рамки) и заветната димензија (историските страдања и искушенија како дел од повисок духовен призив).
290,00 ден
Богородичен псалтир
Станува збор за Псалтир посветен на Пресвета Богородица, составен според примерот на Давидовиот Псалтир. Читајќи го, верникот пројавува возвишен израз на благодарност, покајание и надеж во нејзиното мајчинско застапништво пред Бога.
500,00 ден
Мојата прва Библија во слики
Оваа книга содржи бројни библиски приказни, раскажани на јасен и едноставен начин, погоден за деца од најмала возраст. Нејзината содржина, освен со кратки текстови за најважните библиски настани, е разубавена и со живописни илустрации, кои помагаат да се доловат пораката и поуката на дадениот текст. По секоја библиска сторија следуваат и прашања со кои се проверува дали прочитаната содржина е разбрана и усвоена.
470,00 ден
Лествица
Оваа книга е класично православно аскетско дело кое го опишува духовниот пат на човекот како искачување по лествица (скала). Секое скалило претставува борба со страстите и стекнување добродетели, водени од смирението и послушанието. Книгата претставува опитен водич за внатрешното очистување и љубовната заедница со Бога.
500,00 ден
Животот на пресвета Богородица и нејзините чудотворни икони
Во оваа книга, како што наведува и самиот наслов, опишани се најзначајните моменти од земниот живот на Богомајката, како и нејзините чуда поврзани со иконите на кои таа е претставена.
420,00 ден
Псалтир
Псалтирот претставува збирка на поетски текстови напишани од различни автори, во различно време и со различен карактер.
Изданието е превод од старогрчки јазик (извор: Септуагинта) и, истото, се карактеризира со обемен вовед (во којшто се среќаваат богати податоци за псалмите), со поделба на псалмите на катизми и, истовремено, со распоред за читање на истите за време на богослуженијата преку целата година.
Новиот завет
Текстот во ова издание на Новиот завет е преземен од ревидираното издание на Светото писмо (2006 година). Изданието е со мек повез, изработен од квалитетна еко-кожа.
570,00 ден
Флавијан
Овој православен бестселер раскажува за животот и духовниот пат на Флавијан, преку длабоки разговори и поучни примери. Книгата отвора прашања за верата, љубовта и смислата на страдањето, водејќи го читателот кон покајание и внатрешна преобразба.
620,00 ден
Поуки
Оваа книга, која содржи поуки од еден од најпознатите современи старци на овие простори, но и ширум светот, нѐ поучува на една непобитна вистина: какви ни се мислите, таков ни е и животот. Поуките се јасни и концизни, наменети за секој што сака да навлезе подлабоко во тајната на духовниот живот.
460,00 ден
Посен готвач
Станува збор за практична и инспиративна книга со внимателно одбрани рецепти за вкусни и здрави посни јадења. Наменета за сите што постат, но и за оние што сакаат полесна и поедноставна искрана во секојдневието.
420,00 ден
Црковен живот за почетници
Оваа книга претставува едноставен и практичен водич за оние што сакаат да направат први чекори во православниот духовен живот. Таа објаснува како да се молиме, како да се однесуваме во црква и како да изградиме жив однос со Бога. Напишана е разбирливо и погодна е за секој почетник.
330,00 ден
Како да се излечат болестите на душата
Оваа книга нуди духовно-пастирски одговори за внатрешните рани и страсти на човекот, водејќи го читателот кон покајание и духовно исцеление. Преку јасни и практични поуки, авторот истакнува дека вистинското исцеление на душевните болести се остварува преку заедницата со Христос – Лекарот на душите и на телата.
520,00 ден
Блажена Ксенија Петроградска
Оваа исклучително корисна книга го содржи житието на една од најпочитуваните светителки, описите на нејзините бројни чуда, како и молебниот канон и акатистот во нејзина чест.
420,00 ден
Старец Пајсиј Светогорец
Старец Пајсиј Светогорец е современ православен светител, познат по својата длабока мудрост, смирение и несебична љубов кон луѓето. Неговите поуки се едноставни и насочени кон покајанието, смирението и евангелскиот живот, втемелен врз самопрегорната љубов. Преку лични совети и духовни примери, тој останува жив духовен патеводител за верниците и денес.
Младоста и страстите
Оваа општопозната книга им се обраќа на младите, откривајќи ја внатрешната борба со страстите и патот кон духовната зрелост во Христа. Со јасен и пастирски тон, четивото нуди трезвени поуки за самопознанието, чистотата на срцето и слободата што се раѓа од животот одмрежен од страстите.
250,00 ден
Мал типик
Малиот типик е краток богослужбен прирачник што ги содржи основните правила и редоследот (поредокот) на православните богослуженија. Книгата претставува практичен водич за свештеници и певци, но и за верници кои сакаат подобро да ја разберат Црквата низ призмата на богослуженијата.
320,00 ден
Толкување на божествената литургија
Оваа книга нуди јасно и продлабочено толкување на светата литургија – тајната над тајните – откривајќи го нејзиното богословско значење и духовна длабочина. Впрочем, таа им помага на верните да земат посвесно учество во највозвишената тајна на црквата.
400,00 ден
Логострој
Книгата претставува дел од созерцателната и духовна потрага по скриените значења на навидум обичните зборови и изрази во македонскиот јазик кои честопати ги изговараме, без да се задржиме на нивната длабочина. Низ призмата на православното богомислие и библиската семантика, авторот прави јадровити објасненија на 80 избрани зборови и фрази, откривајќи ја нивната затскриена и низ времето заборавена смисла. Напишана на питок и разбирлив јазик, оваа книга го поттикнува читателот кон зборољубие, а истовремено и кон препознавање на катадневниот животен тек како тивок одек на вечноста.
300,00 ден
Старец Ефрем Катунакиски
Оваа книга го содржи житието на овој прославен светогорски богоугодник – житие од кое можеме многу да научиме за духовноста, за молитвата и послушноста, како и за верноста кон преданието на Црквата.
390,00 ден
Псалми
Псалмите претставуваат збирка на поетски текстови напишани од различни автори, во различно време и со различен карактер.
Ова издание се карактеризира со обемен вовед и е превод директно од староеврејски јазик, што овозможува автентичен пристап до оригиналниот поетски израз. За разлика од другото издание, ова не е поделено на катизми, што овозможува непречено читање и фокус на самата поезија и содржина.
500,00 ден
Еднаш за цел живот
Во оваа книга, авторот нѐ запознава со повеќе етапи и аспекти од растот и развојот на личноста: младоста – како период на формирање на личноста, време за вљубување и подготовка за брак; потоа – самото стапување во брак, со сите придружни елементи и последици од брачниот живот, како раѓањето деца, абортусот, неверството, разводот; за половиот идентитет; и на крај – како да се има добар и вековит брак.
430,00 ден
Давидов псалтир
Давидовиот Псалтир претставува срцевина на молитвеното предание на Црквата и темел на нејзиниот богослужбен живот. Псалмите, поделени на катизми за секојдневно читање, се извор на покајание, благодарност и надеж и претставуваат неисцрпна ризница на молитви за секој верник.
540,00 ден